మబ్బు చేతులతోటి దండాలు పెడుతూ
గొబ్బున "సూర్యుడు" వచ్చేనయా!
"పగలు ఒడిలో " తాను 'చిన్ని పాపాయి'. //
కిరణముల వలిపెముల - గుత్తంపు ఊయెలల
మెత్తంగ ఊగుతూ - 'చిత్తరువల్లే తనరేటి వసుధను
వింత వింతగ తోచి, చూసేనమ్మ!
సూర్యుడు చూసేనమ్మా! //
సరసు అద్దములందున - తనదు బింబమ్మును
తనివి తీరా చూసుకొనుచూ, ఎంతొ మురిసాడమ్మా!
ఆదిత్య దేవుడు, తరగలందున తగరు క్రీడలే
ఆడేనమ్మా! ఆట లాడేనమ్మా! //
నింగిలో విరిసిన 'ఇంద్ర ధనుసుల'ను
చప్పున ఒడిలోన దాచేనమ్మా!
'అచ్చముగ నాకేను ,హరి విల్లులం'టూను
ఫక్కున నవ్వేసి - వెళ్ళేనమ్మా!
ఏడు వాజిల తేరునెక్కి ,వెళ్ళేను //
కామెంట్‌లు లేవు:
కామెంట్‌ను పోస్ట్ చేయండి