చిట్టి తల్లినీ రాణిని చేస్తాం! చిట్టి తండ్రినీ రాజును చేస్తాం!

పిల్లలకే స్వాతంత్ర్యం వస్తే?

పిల్లలకే స్వరాజ్యం ఇస్తే ?

ఇస్తే....???

చిట్టి తల్లినీ రాణిని చేస్తాం!

చిట్టి తండ్రినీ రాజును చేస్తాం! ||

మా అమ్మే ఒక బొమ్మైతే

మా నాన్నే ఒక బొమ్మైతే

మా బొమ్మల పెళ్ళి గుమ్ముగ చేస్తాం!

కమ్మని విందులు గమ్ముగ తింటాం! ||

స్కూళ్లలో మాస్టార్లు కరువైతే...

పిల్లలమంతా పంతుళ్ళౌతాం!

పెద్దవాళ్లందరికీ బుద్ధులు చెబుతాం! ||

సూర్యుడు ఎర్రని కాగితమైతే

చంద్రుడు తెల్లని కాగితమైతే.......

గాలిపటాలుగ చేసేస్తాము;

మెరుపుల దారాలతో ఎగిరేస్తాము! ||

****************************

రేడియో అన్నయ్య రచన ;

- ఆకాశ వాణి లో వస్తూండేది.

నా చిన్నప్పుడు, రేడియోని అంటి పెట్టుకుని వినే ప్రోగ్రాం

"బాల వినోదం - పిల్లల కార్యక్రమం.

ఈ పాట ఎప్పటికీ ఆకు పచ్చని మృదు జ్ఞాపకమే!