25, ఆగస్టు 2011, గురువారం

మందాకినీ మారుతీయము/ వచ్చీ రాని తెలుగు


గొల్లపూడి మారుతీరావు ఒక అందాల నటితో నటించాడు. 
కానీ “అది నా నట జీవితంలో పీడకల లాంటి అనుభవం” అని 
తన ఆత్మకథలో చెప్పుకున్నారు. 
ఆ నటీమణి “మందాకిని”. “రామ్ తేరీ గంగా మైలీ” లో 
రాజ్ కపూర్ ప్రేక్షకులకు పరిచయం చేసిన కుందనపు బొమ్మ.
గొల్లపూడి మారుతీరావు వర్ణనలో- 
“మందాకినిది పాలరాయిలాంతి శరీరం. పిల్లికళ్ళు. 
మైకెలాంజిలో చేతుల్లో మలిచినట్టుండే అవయవసౌష్ఠవం, వెన్నెలలాంటి నవ్వు. 
మా దర్శకుడు కూడా ఆ రోజంతా మైకంలోనే దర్శకత్వం వహించారు.  ”. 
bhargava ramudu


ఆ చిత్రం పేరు “సార్వభౌముడు” (*).
సాధారణంగా తెలుగు రాని  నటీమణులకి మెల్లగా – 
హిందీలోనే   తెలుగు సంభాషణలు మప్పుతారు.
గొల్లపూడి మారుతీరావు ఇలాగ రాసారు - 
"వారు వచ్చీ రాని  తెలుగులో మాట్లాడితే – 
మేం నికార్సయిన తెలుగులో స్పందించాలి. 
మందాకిని విలన్ కి (అంటే నాకు) ఉంపుడుకత్తె అనుకుంటాను.
ఆమెకి హిందీలోనే మాట్లాడే స్వేచ్ఛనిచ్చారు దర్శకులు. 
ఇక సంభాషణల మీదనే బతికే 
నాలాంటి నటుడి పరిస్థితి ఎంత దుర్భరమో చెప్పడానికి 
ఓ నమూనా షాట్- ”
“నా కన్ను కప్పి ఆ కిరణ్ గాడితో నువ్వు ఏం మాట్లాడుతున్నావే?”  
అని ఆవేశంగా నేనంటాను.
“జిస్ దేశ్ మే గంగా బహతీ హై”
“సాకులు చెప్పకు. 
ఈ వ్యవహారం ఎన్నాళ్ళుగా సాగుతోందో, 
ఎంతవరకూ వెళ్ళిందో నాకంతా తెలుసు”
“జిస్ దేశ్ మే గంగా బహతీ హై”
“ఏమిటే – ఏమిటలా 
కళ్ళు ఎగరేసి మింగేసేలా చూస్తావు? బెదిరిపోతాననా?”
“జిస్ దేశ్ మే గంగా బహతీ హై”
“పళ్ళు రాలగొడతాను – ఏమనుకుంటున్నావో?”
“జిస్ దేశ్ మే గంగా బహతీ హై”
ఇలా సాగింది. 
నా బాధ వర్ణనాతీతం. 
పగవాడికైనా రాకూడని హింస. 
ఇది కేవలం నా పీడకలలో ఒక భాగం!" 




(మందాకినీ మారుతీయము

Member Categories - ప్రముఖుల హాస్యం
Written by kusuma : Tuesday, 19 July 2011 05:33)


భయపెట్టిన హిందీ హీరోయిన్ మందాకిని  (Link 1)

Konamanini    (సోమవారం 9 మార్చి 2009) (Link 2)

&&&&&&&&&&&&&&&&&&&&&&&&&&&

ఆ సినిమా "సార్వభౌముడు" కాదు.
గొల్లపూడి తన స్వీయ కథా కదంబ మాలలో 
కొంత సందేహముతోనే 
"సార్వభౌముడు-అనుకుంటాను" అంటూ చెప్పారు.
కానీ వాస్తవానికి 
ఆ చలన చిత్రం పేరు
"బాలకృష్ణ, మందాకిని నటించిన భార్గవరాముడు"
 (Bhargava Ramudu: Actors - Balakrishna, Mandakini)   
అందులో క్లైమాక్స్‌లో గొల్లపూడిని కత్తితో పొడిచి 
స్విమ్మింగ్ ఫూల్లోకి తొయ్యాలి .
అప్పుడు స్విమ్మింగ్ ఫూల్లోనున్న 
మొసలి గొల్లపూడిని తినేస్తుంది ... 
అదీ సీన్!!!!!!! 



( Information By Blog Ghar - Analisis)