కోణమానిని తెలుగు ప్రపంచం: చుట్టూ మూగిన చిలకల్లారా!

14, ఆగస్టు 2014, గురువారం

చుట్టూ మూగిన చిలకల్లారా!

చుట్టూ మూగిన చిలకల్లారా!
చెట్టూచేమకు కథలే చెప్పి
వెంటనె వస్తారా?
మీరు వెంటనె వస్తారా? ...........
ఈ మా పిల్లలవద్ద, మీరే సొంపగు కథలు నేర్చుకోండీ!
కంచికి పోవని కమ్మని గమ్మత్తు కథలను నేర్వండి ||
;
కొమ్మల వాలిన కోయిలలారా!
చిగురుటాకులకు పాటలు నేర్పి,
వెంటనె వస్తారా?
మీరు వెంటనె వస్తారా? ...........
ఈ మా పిల్లలవద్ద, మీరే సొగసౌ గానం నేర్వండి
మహతి, కచ్ఛపి వీణలెరుగని పాటలునేర్వండి ||
;
పూవుల షికార్ల తుమ్మెదలారా!
పుప్పొడి గ్రోలే మధుపములా!
పూలకు తేనెలమాటలు నేర్పి
వెంటనె వస్తారా?
మీరు వెంటనె వస్తారా? ...........
ఈమా పిల్లలవద్ద, వాణీరాయంచ శిష్యుడైనది ;
సుధామాధురిని మించిన పలుకులు కమ్మగ నేర్వండి ||

చుట్టూ మూగిన చిలకల్లారా! (LINK web magazine "New Awa)

User Rating: / 1
Member Categories - బాల
Written by kusuma kumari
Friday, 13 June 2014 16:08
Hits: 186 [2 comments]

{konamanin views - 56402}