మీకు తెలుసా ? ప్రకృతి జనని లేబుల్‌తో ఉన్న పోస్ట్‌లను చూపుతోంది. అన్ని పోస్ట్‌లు చూపించు
మీకు తెలుసా ? ప్రకృతి జనని లేబుల్‌తో ఉన్న పోస్ట్‌లను చూపుతోంది. అన్ని పోస్ట్‌లు చూపించు

7, మే 2016, శనివారం

వల్కలము, తప వస్త్రము

వల్కలము – అంటే నారచీరలు. 
ఫూర్వం తాపస ప్రవృత్తిని స్వీకరించిన మునిపుంగవులు, ప్రకృతిసిద్ధమైన సరంజామాలను మాత్రమే నిత్య జీవన విధానములకై గైకొన్నారు.
అట్లాగే అరణ్యవాసములకు వెళ్ళిన వారు, 
వానప్రస్థాశ్రమ వాసులు కూడా ఈ జీవనవిధానాన్నే అనుసరించారు.
మన ఇతిహాసాలు ఇందుకు సోదాహరణములు. రామాయణ, మహాభారత, ప్రాచీన చరిత్ర యావత్తూ  
(“జయం”/ # “Jayam”  =  ”MahaBharatam”)# 
నిలువెత్తు నిదర్శనాలు. 
శ్రీరామచంద్రుడు, సీతమ్మ, లక్ష్మణుడు నారచీరలను ధరించి, విపినములకు వెళ్ళారు.  
అరణ్యాలలో పంచపాండవులు వల్కలములను ధరించారు. 
మహర్షులు, వారి భార్యలు, వారి పిల్లలు కూడా వల్కల  ధారణను   దైనందినజీవితములో అంతర్భాగాలుగా స్వీకరించారు.
;
ఇంతకీ ఈ వల్కలములను దేని నుండి తయారుచేసుకున్నారు? ; 
భూర్జవృక్షములు వీరికి ఆధరువు ఐనవి. 
భూర్జవృక్షముల బెరడులను చెక్కి తీసి, 
ఎండబెట్టారు, వస్త్రాలుగా మలుచుకున్నారు.
[భూర్జవృక్షములు, తాళపత్రములు = తాటాకులు – ప్రాచీనకాలమున మన దేశములో 
కావ్యాలను వ్రాయుటకు ఉపయోగించబడినవి.)
ఉత్తరభారత దేశములో 
భూర్జతరువుల కాండముల యొక్క ‘పట్టలు'/ bark నుండి ఎంతో శ్రమపడి తయారుచేసుకున్నారు 
అటవీవాసులు, గురుకులవాసులు.  
గురుకులములు  ఈ చక్కని వాతావరణాన్ని ప్రతిబింబిస్తూండేవి. 
ఆటవికతెగలు శబరులు, కిరాతులు, చెంచులు, కోయవాళ్ళు మొదలైనవారు జంతుచర్మాలను ధరించారు. గురుకుల నివాసులు, అనగా గురువులు, శిష్యులు, ఆదిగా గలవారు సాత్వికజీవనవిధానాలను అనుసరించారు.  కనుక వారు ప్రకృతిసహజమైన వస్తువులను వాడటాన్ని ఆచరణలోకి తెచ్చారు.
శాంతారామ్ “శకుంతల” లో చెట్టుపట్టల నుండి 
దుస్తులను తయారుచేసుకోవడాన్ని  చిత్రీకరించారు. 
ఆమె కుమారుడు భరతుడు సింహాలతో ఆడుకుంటూంటాడు. 
క్రూర జంతువుల నోరు తెరిచి, వాటి నోళ్ళలోని పళ్ళను లెక్కబెడుతూంటాడు. 
అదిగో! ఆ సందర్భంలో దుష్యంతుడు చూసి, 
“నిర్భీతితో కారడవుల విహరిస్తూన్న వీరబాలుడు ఎవరు?” అని ఉత్కంఠతో ఆరా తీసి, తన భార్యా బిడ్డలను కలుసుకున్నాడు. 
ఆ అతి చిన్న ఉపకథకు - 
మహాకవి కాళిదాసు ఘంటము 
సాహిత్య రంగమున సింహాసనమును అమర్చింది. మహాకవి కాళిదాసు చిత్రీకరణలో 
“అభిజ్ఞాన  శాకుంతలము” 
అనే నాటకముగా వెలుగులీనింది.
] మరి అన్నేళ్ళు ఒంటరిగా కాననములలో జీవించిన శకుంతల, 
చివికిపోయిన దుస్తులలో అట్లాగే కాల వెళ్ళబుచ్చుతుందా? శకుంతలను – ధీరోదాత్తగా భావించాడు 
హిందీడైరెక్టర్ శాంతారామ్.  
ఇంత చిన్న విషయాన్ని- అదేనండీ! కథానాయిక   ఆహార్యాదులను – వెండి తెర చిత్రీకరణ కోసము – గమనించగలిగాడు, 
కాబట్టే – శాంతారామ్ గొప్ప దర్శకునిగా 
కీర్తిప్రతిష్ఠలను ఆర్జించారు. 

**************************;

भूर्जवृक्ष :- భూర్జవృక్షములు, భూర్జ తరువు ఆకులు
వలువలుగా ఉపయోగపడినవి, 
భూర్జపత్రములు, అనగా భూర్జ తరువు ఆకులు 
‘మన ప్రాచీన హిందూ దేశములో సాహిత్య రత్నములను పొందుపరిచిన  కాంచన ఆభరణములైనవి.  

**************************;
part - 2 ;-
న్యూ గినియా మున్నగు దేశాలలోని ప్రజలు, భూర్జవృక్షములు, వలువలు ధరించిన పద్ధతి పూర్వం ఉన్నది. 

वल्कल ​. छाल - bark - chhAla ​. वल्कलधारी ​. वल्कलधारी - dressed in bark - valkaladhArI ​. वल्कल परिधान ​. परिधान प्रकार() - garment ... साधारण वेश धारण करना dress simply ... 
భూర్జవృక్షములు #Ficus Fibres వర్గమునకు చెందినవి. హిందూదేశము నుండి అండమాన్,ఆస్ట్రేలియా ఉత్తరభాగమున Ahem Land; Kalumburu మున్నగు తావులకు చేరినది. 
న్యూ గినియా ప్రజలు తమ బుట్టలకు, కవర్లు,  అల్లికలు, సిద్ధంచేసుకోగలిగారు.
హిమయుగమునకు పూర్వకాలమునందు 
30వేల ఏళ్ళ క్రితం మనుషులు దేహమును చలి, ఎండల బారి నుండి కాపాడుకొనుటకు చెట్టుపట్టలు వాడారు. 
Lin seedsS చెట్లను వాడలేదు. 
ఫైకస్ ఫైబర్స్ జాతి చెట్లు ఉపయోగితం ఐనవి.
బైబిల్ ప్రకారం - ఆడం, ఈవ్ = ఆదాము అవ్వ లు Fig leawesతో ఒడలు కప్పుకొన్నారు.

*************************, 

సరే! ఇంతకీ 'భూర్జ' అనే పేరు ఎట్లాగ సంభవించినది?
తూర్పు వింధ్యాచల ప్రాంతములను 
నేటికీ "భోజ సీమ/ రాజ్యం" అని 
వ్యవహరిస్తున్నారు. 
భోజ మహారాజు పండితులకు 
అక్షరలక్షలను ఒసగిన వితరణశీలి.
సాహిత్యపోషకుడైన ఆయన కాలములో భూర్జపత్రలేఖనములు పరివ్యాప్తికి వచ్చినవి. 
మహాభారతములో భోజపురి ప్రస్తావన ఉన్నది. [హిమాచలము మున్నగు ఎత్తైన చోట్ల పెరుగుతుంది. అద్భుత ఉపయోగముల వలన దేవవృక్షము - అని సంభావిస్తూ, దేవదారు పాదపములు - అని పిలిచారు.  
;
part - 3 ;-

తప వస్త్రము- ఈ పేరును వింటూంటే- 
"భారతదేశములోని మునుల దినచర్య ఐన 
"తపస్సు" అనే మాట స్ఫురణకు వస్తూన్నది కదూ!!!
ఇతిహాస యుగాల నుండి మన దేశంలోనే కాదు, 
ఆదిమ మానవునికి వలువలు కట్టడానికి 
ప్రకృతి నుండి లభ్యమైన సామగ్రిని స్వీకరించాడు. 
తాపసులు, వానప్రస్థాశ్రమమును స్వీకరించిన వారు 
నార  చీరలను ధరించే వాళ్ళు. 
రామాయణములో అరణ్య వాసానికేగుతూన్న 
సీతాదేవి,శ్రీరాముల వారు,లక్ష్మణస్వామి వారు 
నారచీరలను ధరించి, బయలుదేరారు.
నార చీరలు ధరించడము- అన్నది 
ప్రాచీన హిందూ దేశములో,  
వేదకాలములు, యుగాలనుండీ ఒక ఆచారముగా ఏర్పడినది.
వల్కల ధారణ, నార చీరలు కట్టుట - 
వైరాగ్య జీవనమును గడిపే వారు.  
స్వచ్ఛందముగా నిర్దేశించుకున్న వింత ఆచారము.
కైకేయి ఆజ్ఞను శిరసావహించిన దాశరధి, 
సతీ సోదరులతో కారడవులకు ఏగునపుడు, 
ఆహార్యమును మార్చుకున్నాడు.
రాజ భోగ, భాగ్యాలను ప్రతిబింబించే మణిమయ రత్న కిరీటాభరణాలను, పట్టుపీతాంబరాలను త్యజించాడు. 
అప్పటికప్పుడు తెప్పించిన నారచీరలను ధరించాడు. 
వల్కల ధారణ అవగానే, 
మర్రిపాలను తెప్పించాడు. 
జుట్టుకు మర్రి పాలను బాగా పట్టించి, 
సిగముడిని వేసుకుని, 
అటవీ ఆశ్రమాలలో నివసిస్తూన్న మునివరుల వలే సాక్షాత్కరించారు సోదర ద్వయం శ్రీరామ లక్ష్మణులు. ; 
ఈ సహజమైన దుస్తులు ఏ పద్ధతిలో తయారైనవి?
ఆ ప్రాకృతిక వల్కలములను దేహధారణకై, సృజించుకొనుటకై  
మానవులు ఎలాగ శ్రమించారు? 
ఇది కాసింత ఆసక్తికర అంశమే!
;
ఆ కథా కమామిషూలపై 
కూసింత దృష్టి సారిద్దాము!!!!!!!!!
ఇప్పటికీ- ఈ కాలంలోనూ 
ఇటువంటి నారచీరలను వాడుకగా 
ఉపయోగించడము జరుగుతూన్నది. 
ఆరు తెగల పసిఫిక్ జనులు- విరివిగా గౌరవనీయంగా పాటిస్తూన్న ఆచారము. 
ఫిజీ, పపువా న్యూ గినియా, హవాయి, సమొయా, ఫూతునా, హవాయ్,  
ఆ ప్రదేశాలలో- ఈ తప వస్త్రము- 
అక్కడి వ్యక్తిగత హోదాను ప్రతిబింబిస్తాయి.
( six South pacific cultures of 
Fiji island, Tonga, Samoa, 
Papua New Guinea, Futuna and hawaii)
కుటీర పరిశ్రమ వలె కొనసాగుతూ, 
అనుసరిస్తూన్న  అనాది సాంప్రదాయము ఇది.
అనేక యుగాల నుండి వాళ్ళు 
ఇతర దీవులకు వలస   వెళుతూ- 
ఈ తప వస్త్ర సృజనను- కనుమరుగు కాకుండా కొనసాగిస్తూన్నారు. 
 కొందరు ఆధునిక టెక్నాలజీని చేతి సాయంగా గైకొని, 
ఈ తరు వస్త్రాల సృష్టిని కొనసాగిస్తూన్నారు.  
టపా క్లాత్- ను దక్షిణ పసిఫిక్ కల్చర్ల ప్రజలు తయారు చేసుకుంటున్నారు. ఆరు స్థానిక నాగరికతలలో- ఇది అందుబాటులో ఉన్న ఆచరణ. 
స్త్రీలు మాత్రమే వీటిని తయారు చేస్తూంటారు. 
పురుషులు వీటిని ఉత్సవాలలో (Ceremonial dress) ధరిస్తారు. 
సాధారణముగా పెద్ద పెద్ద బండిల్సు (bundles) గా చేసి అట్టిపెట్టుకుంటారు. 
వీనిని గోడలకు అలంకారములుగా తగిలిస్తారు. 
ప్రముఖ వ్యక్తులకు- స్వాగతము పలికే- రెడ్ కార్పెట్ లా  
ఉపయోగిస్తారు
పెళ్ళిళ్ళు, పండుగలు పబ్బాలు, శుభకార్య వేళలలో- 
నేటికీ ఈ తప cloths ను ఇచ్చి పుచ్చుకునే కానుకలుగా- 
ఆరు తెగల పసిఫిక్ జనులు- విరివిగా గౌరవనీయంగా పాటిస్తూన్న ఆచారము.
అనేక యుగాల నుండి వాళ్ళు ఇతర దీవులకు వలస   వెళుతూ- ఈ         
టప వస్త్ర సృజనను- కనుమరుగు కాకుండా కొనసాగిస్తూన్నారు. 
కొందరు ఆధునిక టెక్నాలజీని చేతి సాయంగా గైకొని, ఈ తరు వస్త్రాల 
సృష్టిని కొనసాగిస్తూన్నారు.  
;
ఒకసారి- "సీతారామ కళ్యాణము" సినిమాలోని 
కళ్యాణ ఘట్టాన్ని జ్ఞాపకము చేసుకోండి.
ఎన్.టి.రామా రావు ప్రతిభకు ఇది తార్కాణము.
మిథిలాపురికి విచ్చేసిన దశరధునికీ, పరివారానికీ మర్యాదలు చేస్తారు. 
జనక మహారాజు దశరధ బంధు జనులు వస్తూన్నప్పుడు 
వస్త్రాలను గబ గబా పరుస్తూ ముందుకు సాగే  ఘట్టము- 
మదిని దోచు కమనీయ దృశ్యమది.
టోంగన్ కల్చర్ ప్రజలు- ఇలాగ ప్రముఖులకు - 
టప క్లాత్స్ ను పుట్టములుగా పరచి- ఆహ్వానము పలుకుతూంటారు. 
స్వాగతము పలికే- రెడ్ కార్పెట్ లా  ఉపయోగిస్తారు. 
టోంగాన్లు (Tongans ) ఈ సహజ ఉడుపులను చేసే పద్ధతి 
చాలా ఆసక్తికరంగా ఉంటుంది.  
ఆ విశేషాలను వివరముగా చూద్దాము!
*****************************;  
తప వస్త్రము - కొరకు 
ఆ బెరడు లేయర్లను- సమతలంగా ఉన్న చెట్టు దుంగల మీద పరుస్తారు. వాటిని చెక్క దిమ్మలతో (Wooden mallets) మర్దిస్తారు. ఆ బెరడు పొరలు- చదునుగా అయ్యేటట్లుగా చెక్కలతో దిమ్మస కొడతారు.
(bark is flattened into wide, flexible sheets)
కూరగాయల మొక్కల వేళ్ళ నుండి- జిగురు (Glue) ను చేసి 
సిద్ధము చేసుకుంటారు. 
నీటి చెమ్మ అంతా ఎండి పోయిన బెరడు షీటు (sheets) ను 
ఈ వేళ్ళ బంక (Roots, Glue)తో - అతికిస్తారు. 
అలా వరుసగా అతికిస్తూ- 
పెద్ద తప వస్త్రపు పుట్టము- రెడీ ఔతుంది. 

కొస మెరుపు :-
శాంతారామ్ ప్రఖ్యాత హిందీ సినీ దర్శక నిర్మాత, నటుడు. 
ఈతని "శకుంతల" మూవీలో ఒక చిత్రీకరణ నాకు చాలా నచ్చినది.
దుష్యంతుడు తిరస్కరించిన తర్వాత- శకుంతల 
హిమాలయ పర్వత శ్రేణులకు చేరుతుంది.
మనుష్య సంచారమే లేని ఆ సీమలలొ ఆమె ఎలా గడిపింది? 
ఈ అంశాన్ని అత్యంత సున్నితంగా చిత్రించాడు శాంతా రామ్.
శకుంతల చెట్టు బెరడులను- సున్నితంగా నిలువుగా విచ్చదీస్తూ,
విడదీసిన ఆ చెట్టు పట్టలను  తాను తీసుకుంటుంది.
(ఇంత చిన్న విషయాన్ని కూడా పరిశీలించిన వాడు, 
కాబట్టే, ఆతడు గొప్ప దార్శనిక-దర్శకునిగా- ప్రఖ్యాతి గాంచాడు)
అనాది మానవుల వస్త్రధారణకు శ్రీకార స్వరూపిణులు ఈ వల్కలములు. 
అందుకనే- నేటికీ ఇటువంటి
ప్రకృతి సహజ వరములైన నార దుస్తుల తయారీని 
పాటిస్తూన్న పద్ధతులు- తెలుసుకోదగిన జిజ్ఞాసని కలిగించే విశేషములే కదా!   
;
Tapa cloth  [ link - vedio ]
;
***********************************,
Tags :- 
Tapa cloth (or simply tapa) is a barkcloth made in the islands of the Pacific Ocean, primarily in Tonga, Samoa and Fiji, but as far afield as Niue, Cook Islands, Futuna, Solomon Islands, Java, New Zealand, Vanuatu, Papua New Guinea  
;
అఖిలవనిత
Pageview chart 35700 pageviews - 849 posts, last published on May 7, 2016 - 

తెలుగురత్నమాలిక
Pageview chart 5371 pageviews - 152 posts, last published on May 6, 2016 - 
 
కోణమానిని తెలుగు ప్రపంచం
Pageview chart 65651 pageviews - 1042 posts, last published on May 5, 2016 - 

19, జనవరి 2016, మంగళవారం

కోహకన్ / कोहकन - ఓ పర్షియన్ జానపద గాథ

నీటి పారుదల - వంతెనలు, వారధుల నిర్మాణాలు - మానవుని నాగరికతా అభివృద్ధికి ఆనవాళ్ళు.
ప్రేమ, అనురాగముల వలన కలిగిన దీక్ష, సంకల్పములు - 
కాలువలు, సరస్సులు ఏర్పడడానికి మూల కారణమైన సందర్భాలు ఉన్నవి. 
అట్లాంటి కథ ఇది.
कोहकन అనే పదం హిందీ, తత్సంబంధిత భాషలలో చోటుచేసుకున్నది. 
కోహకాన్ {कोहकन} ఎవరు?
&&&&&&&&&&&&&&&

कोहकन అనే పదం హిందీ, తత్సంబంధిత భాషలలో చోటుచేసుకున్నది. 
కోహకాన్ {कोहकन} ఎవరు?
కోహకాన్ ఒక ప్రేమికుడు. పర్షియన్ ఇతిహాసం, జానపద గాధ. 
లైలామజ్నూ [మజ్ఞూ] ల కథలు వంటివి, 
ఈ కథను అనుసరించి, తర్వాతి తరముల వారికి అందినవి, అని విమర్శకుల అభిప్రాయాలు. 
ఈ కథ ప్రపంచ సాహిత్యములో, మమతానురాగాలకు ప్రాధాన్యాన్నిఇచ్చినది. 
అప్పటిదాకా వచ్చిన “హెలెన్ ఆఫ్ ట్రాయ్”, "క్లియోపాత్రా” మున్నగునవి, 
కేవలం యుద్ధ పరంపరలను పూసగుచ్చినవి. 
వీనిలో ప్రేమానుభూతులకు జాగా లేదు. 
ఒక స్త్రీ కోసమో, లేదా ఒక ఆడదాని పేరుతో, ఆయా ప్రాంతాలపై, దేశాలపైనా తమ తమ అధికారాలను సుస్థిరం చేసుకొనుట, తమ శక్తిని ఋజువు చేసుకునే నిమిత్తం జరిగిన పోరాటాలు! 
వీటిలో హింస, ద్వేషం మాత్రమే ఉన్నవి. అట్టి తరుణంలో ఆ ఖండములలోని ఇంగ్లీషు, ఉర్దూ ఎట్సెట్రా లిటరేచర్ ని ప్రభావితం చేసిన చారిత్రక ఘటన కోహకన్ వలపు కథ.
పాశ్చాత్యులకు “ప్రేమ”ను ప్రధానాంశముగా అందించిన కథ, 
మధ్యప్రాచ్యానికి చెందిన ఈ కోహకాన్ కథ. 
ఇందుకనే కోహకాన్ కథ పద్యకావాలుగా, నాటకములుగా సాహిత్యములో చోటు చేసుకుంటూనే ఉన్నది. 
అసలు కథ కొద్ది కొద్ది మార్పులు చేర్పులతో, కవుల లేఖనములలో చిత్రితమౌతూ వస్తూనే ఉన్నది.
*******
కథా ప్రారంభం:-

వానలు మృగ్యమై, (పర్షియా)దేశములో కరువు వచ్చింది. 
కథానాయకుడైన కోహకాన్ ఒక పడతిని ప్రేమించాడు. 
ఆమె పేరు షిరీన్. వారి ప్రేమను ఇష్టపడని రాజు, కోహకాన్ కి ఒక పని అప్పగించాడు. 
“కొండపైన పెద్ద జలాశయాన్ని అతను స్వయంగా నిర్మించాలి.”- ఇదీ ఆ షరతు.
అసాధ్యం ఐనట్టి ఆ ఫనిని చేయలేకపోతే కోహకాన్ ఇకపై సిమ్రాన్ గురించి ఆలోచించకూడదు. – 
అని అనుకుని అట్లాంటి నియమాన్ని పెట్టాడు రాజు.

కోహకాన్ క్లిష్టమైన ఆ కార్యాన్ని చేయడానికి వెనుకంజ వేయ లేదు. 
నిరంతరము చెమటోడ్చి కోహకాన్ మెట్లు కట్టాడు. 
రోజుల తరబడి అతనొక్కడే పెద్ద చెరువును తవ్వాడు.
కోహకాన్ పట్టుదల శ్లాఘనీయమైనది. 
ఒకే చేతిపైన అతను కొండను తొలిచి, పైన పెద్ద తటాకమును నిర్మించాడు. 
బెహిస్తన్ లో పర్వతాన్ని దాదాపు సగం త్రవ్వాడు. అప్పటికి అతని శ్రమ ఫలించింది. 
(Behistun Inscription) ఎట్టకేలకు నీళ్ళు పడటంతో అతని ఆనందానికి అవధులు లేవు.
ఐతే ఈ కథ, సాహిత్యమున మాత్రమే కాక డిక్షనరీలలో కూడా ఎలా చోటు చేసుకున్నది? 
ప్రస్తుతం మనం కోహకాన్ ని హీరోగా తీసుకున్నాము కదా!
అట్లాగే ఒక ప్రతినాయకుడు కూడా ఇందులో ఉన్నాడు. 
అతడే “ఖుస్రూ”. ఖుస్రూ గుర్రము నెక్కి వెళ్తూ యువరాణి షిరీన్ ని చూసాడు. 
చూసి మొదటి చూపుల్లోనే ప్రేమించాడు. ఖుస్రూ కుట్రకు ప్రేమికుడు కోహికాన్ బలి అయ్యాడు. 
ప్రియుడు కోహికాన్ విషాద వార్తను విన్న షిరీన్ ఆత్మహత్య చేసుకున్నది. 
విషాదాంత కావ్యాన్ని లోకానికి ఆ జంట మిగిలింది.

*******

కొహ్కన్ అంటే “కొండను తవ్వే వాడు” అని అర్ధం. 
నిష్ఫలమైన శ్రమ, నిష్ప్రయోజనమైన పని అను భావార్ధమున ఈ పదము స్థిరపడింది. 
చేసిన శ్రమకు ప్రతిఫలం దక్కక, కొసకు ఇక్కట్ల పాలవడానికి “కొహకాన్”అనే మాట డిక్షనరీలకు చేరింది. 
మన ఇతిహాసములకు అనేక ప్రక్షిప్తములు ఉన్నవి. 
భక్తులు అమిత శ్రద్ధతో స్థానిక అంశాలను కొంచెం కొంచెం జోడిస్తూ, మూలకథకు భంగం జరగకుండా రాసారు. అదేరీతిగా కోహకాన్ గాధ ఆయా దేశాలలో కొద్ది మార్పులతో రచించబడింది.
800 ఏళ్ళ క్రితం "కోహకాన్" కథను ఇరాన్ లో పద్యసంపుటిగా రాసారు. ఇక్బాల్ మొదలైన కవులు స్వచ్ఛమైన ప్రేమభావనను అక్షరబద్ధం చేసారు. 
12వశతాబ్దములో జరిగిన కొహకాన్ కథ రచయితలను, ప్రజలనూ ఆకర్షించింది. 
2008 లో “షిరీన్” అనే సినిమా వచ్చింది. కొహకాన్ లెజెండ్ చుట్టూ తిరుగినది. 
ఇరాన్ లోని కర్మన్ షా నగరునందు జరిగింది. 
ఇరాన్ నందు పడమట ప్రాంత మండలములో ఈ సంఘటన జరిగినదని ప్రజలు భావిస్తున్నారు.
కొహకాన్ (Kohakan) అసలు పేరు “ఫర్హాద్” అని కొందరు ప్రస్తావించినారు. 
పర్షియన్ కవి ‘ఫిరదౌసీ’గ్రంధము “షానామా” (book of kings).
అతను రచించిన కథలో కొంత భిన్నంగా ఉన్నది.

*******
రెండవ కథ:

ఖుస్రూ రాజు భార్య షిరీన్ ప్రేమకథగా వివరించబడినది. 
ఫర్హాద్ తన కర్తవ్యాన్ని పూర్తిచేసాడు. మహాతటాకమును త్రవ్వాడు. 
ఖుస్రూ అతనిని మోసగించాడు. వేదనతో తన చేతిలోని గొడ్డలిని విసిరివేసాడు కొహకన్. 
ఆ గొడ్డలి కూరుకుపోయిన చోట ఒక దానిమ్మచెట్టు మొలిచింది. 
ఆ “అనార్ చెట్టు”కి కాసే పండ్లు అన్ని రకముల రోగాలను నయం చేస్తాయని ప్రజల నమ్మిక.

*******

ప్రశ్న: మూవీలుగా వచ్చిన కథ ఇది. రోమియో జూలియట్, 
లైలామజ్నూ వగైరా స్టోరీలకు మూలం ఇచ్చినది. 
నువ్వు చెప్పదలచుకున్నది అంతేనా!?

ఆన్సర్: నీటికరువును నివారణగా రాజు విధించిన డ్యూటీ నాకు బాగా నచ్చింది.
“ప్రేయసి రావే! ఊర్వశి రావే!” అంటూ దేవదాసులాగా మందుబుడ్డీ ఎట్సెట్రా లని పుచ్చుకోకుండా , 
ఇలాగ కాస్త కష్టపడి ఏదైనా సాధించి చూపిస్తే బాగుంటుంది. 
ప్రజలకూ, ప్రకృతికీ, పర్యావరణానికీ ఎంతెంతో మేలు చేసిన వారౌతారు. 
ఒకవేళ వాళ్ళ లవ్ స్టోరీ గెలిస్తే విజేతలు ఔతారు. కాదూ, 
చరిత్రలో ట్రాజెడీ కావ్యాలకు మేటరును ఇచ్చినట్లు ఔతుంది.

ప్రశ్నదారులు:- గాడిద గుడ్డు! రామాయణం లో పిడకల వేట అంటే ఇదే!
ఆన్సరుదారుడు:- ఊహూ! కాదు man! 
ఉభయతారకం అంటే ఇది అన్న మాట! 

     కోహకన్ - ఓ పర్షియన్ జానపద గాథ ;
గాథ kohikan ; link ;-  Member Categories - తెలుసా!
Written by kadambari piduri
Tuesday, 10 June 2014 07:29
Hits: 744
- See more at:  http://www.newaavakaaya.com/%E0%B0%A4%E0%B1%86%E0%B0%B2%E0%B1%81%E0%B0%B8%E0%B0%BE/kohakan-persian-janapada-katha.html#sthash.99puLFnY.dpuf   

[ FB :- సాహితీ సేవ ]

అఖిలవనిత
Pageview chart 34528 pageviews - 829 posts, last published on Jan 18, 2016
Create new postGo to post listView blog
కోణమానిని తెలుగు ప్రపంచం
Pageview chart 64039 pageviews - 1039 posts, last published on Jan 11, 2016 - 7 followers
Create new postGo to post listView blog
తెలుగురత్నమాలిక
Pageview chart 5139 pageviews - 147 posts, last published on Nov 11, 2015

24, జూన్ 2015, బుధవారం

ఈశ్వర లింగములు ఎన్ని రీతులు?


శివ లింగములు 32 రకములు :- 
1. గంధ లింగము =  four parts of sandal paste, three parts of kumkumam and two parts of musk ; 
2. పుష్ప లింగము ; 
3. గోశక్రు లింగము = గోధుమ రంగు ఆవు/ 
కపిల ధేనువు యొక్క   పేడతో చేసిన లింగము :
4. వాలుకా లింగము :- మెత్తని ఇసుక/; 
             విద్యాధరులు పూజించు గొప్ప ఉనికి; 
5. యవ గోధుమ శాలిజ లింగము ; 
6. శిత ఖండ లింగము = శర్కర / చక్కెర;
7. లవణ లింగము = (salt mixed with the powder of Hartal -  and Trikatukala); 
8. తిలపిష్ఠ లింగము ; 
9. భస్మ లింగము ; 
10. గుడా లింగము = బెల్లం / శర్కర ; 
11. వంశాంకుర లింగము = వెదురు ఆకులు ; 
12. పిష్ఠ లింగము = బియ్యప్పిండి ; 
13. దధి దుగ్ధ లింగము = 
       నీళ్ళు వడకట్టిన పెరుగు,పెరుగు, పాలు ; 
14. ఫల లింగము =  పండ్లు ; 
15.ధాత్రీ లింగము = రాచ ఉసిరిక ; 
      (acid fruit – phyllanthus Emblica and bestows liberation) ; 
16. నవనీత లింగము = వెన్న ; 
17. దూర్వాకదజ లింగము / గరిక లింగము = 
(kind of grass – agrostis linaries) ; 
18.  కర్పూర లింగము ; 
19. అయస్కాంత లింగము ; 
20. మౌక్తిక లింగము ; 
21. సువర్ణ లింగము ;  
22. రజత లింగము ; 
23. పిట్ఠల లింగము/ కాంస్య లింగము = 
(an alloy of brass and bell metal ) 
24. త్రపు లింగము (తగరము లింగము) ; 
25. ఆయస లింగము = మైలతుత్తం/ (vitroil of sulphate); 
26. సీస లింగము = lead ; 
27. అష్టధాతు లింగము = minerals ; 
28. అష్టలోహ లింగము = metals ; 
29. స్ఫటిక లింగము = crystal ; 
30. పాదర లింగము (పాదరసము = mercury) ; 
31. వైఢూర్య లింగము = lapis ;    
32. ధాన్య లింగము ; 
ఇవీ మహాదేవుని 32 విధములైన లింగములు 
 ===============================================

Siwa limgamulu 32 rakamulu :- 

1. gamdha limgamu ; 2. pushpa limgamu ; 3. gOSakru limgamu ;
4. vaalukaa limgamu ; 5. yawa gOdhuma SAlija limgamu ; 6. Sita khamDa limgamu ;
7. lawaNa limgamu ; 8. tilaka pishTha limgamu ; 9 bhasma limgamu ; 10. guDA limgamu ; 11. wamSAmkura limgamu ; 12. pishTha 
limgamu ; 
13. dadhi dugdha limgamu ;  14. phala limgamu ; 15.dhaatrii limgamu ; 16. nawaniita limgamu ; 17.
duurwaakadaja limgamu / garika limgamu ; 18.  karpuura limgamu ; 
19. ayaskaamta limgamu ; 20. mauktika limgamu ; 21. suwarNa 
limgamu ;  
22. rajata limgamu ; 23. piTThala limgamu/ kaamsya limgamu ; 24. trapu limgamu 
 25. aayasa limgamu  ; 26. siisa 
limgamu ; 27. ashTadhAtu limgamu ; 
28. ashTalOha limgamu ; 29. phaTika limgamu ; 
30. paadara limgamu ; 31. 
dhaanya limgamu ; 32. 
dhaat
r
i ;  
         iwii mahaadEwuni 32 widhamulaina limgamulu :- 

 ****************************,

అఖిలవనిత
Pageview chart 31567 pageviews - 786 posts, last published on Jun 16, 2015

కోణమానిని తెలుగు ప్రపంచం ;  59275 
Pageview chart 58930 pageviews - 1017 posts, last published on May 2, 2015 - 7 followers 

Telugu Ratna Malika
Pageview chart 4414 pageviews - 127 posts, last published on Jun 22, 2015


13, జనవరి 2015, మంగళవారం

సంక్రాంతి సంగీతము

కులుకుల తళుకుల 
పాల్కడలి పుత్రికా! రావమ్మ సత్వరమె || 

సిరులతల్లి మందగమనమున వచ్చి
సంక్రాంతి వీణియకు శృతి కూర్చుచున్నాది;  
పర్వదిన ఉత్సాహ గమకమిది మది మెచ్చు  || 
పాల్కడలి పుత్రికా! రావమ్మ సత్వరమె ||

శ్రీలక్ష్మి, విలసిల్లు  
నీ మకర తోరణ స్వర్ణ కాంతులు 
మహిపైని - ప్రసరించు చుండగా; 
మేదినికి శోభలు సమకూర్చునమ్మా! ||

సప్తాశ్వ రధమున 
భాస్కరుడు విచ్చేయ; 
ప్రత్యూష కాంతుల - పుప్పొడుల రాసుల 
పూవయ్యె ప్రాగ్దిశ , నడుమ ఇల మురిపాలు ॥ 

**************************,
[పౌష్యలక్ష్మి ఆగమనం]
 సంక్రాంతి శుభాకాంక్షలు 

















అఖిలవనిత
Pageview chart 29300 pageviews - 751 posts, last published on Jan 10, 2015
Create new postGo to post listView blog
కోణమానిని తెలుగు ప్రపంచం  [  58003 - 58020 ]
Pageview chart 55648 pageviews - 1004 posts, last published on Dec 25, 2014 - 3 followers
Create new postGo to post listView blog
Telugu Ratna Malika
Pageview chart 3928 pageviews - 125 posts, last published on Nov 30, 2014

8, ఏప్రిల్ 2014, మంగళవారం

బాపూజీ - శ్రీ రామభక్తి

“నమో నమో బాపూ! మాకు న్యాయ మార్గమే చూపు!”

గాంధీని ప్రభావితం చేసి, ఆయనను “అహింసా ఆయుధము”ను కనిపెట్టేలా చేసినది ఏమిటి?

బందరు అంటే కోతి అని అర్ధం. ఆంధ్ర దేశంలో బందరు ఉన్నది. 
గుజరాత్ లోని పోరుబందరు ఉన్నది. 
మరి పోరుబందరుకు ఒక విశిష్టత ఉన్నది. పోరుబందరు మహాత్మాగాంధీ జన్మస్థానమై, చరిత్రపుటలలో శాశ్వత స్థానాన్ని ఆర్జించింది. పోరుబందరుకు తూర్పువైపు "బిలేశ్వర్ కోవెల" క్రీ. శ. 7 నాటిది. 
ఈ ప్రాచీన దేవళము పేరును మన స్వాతంత్ర్య విజయ సారధి ఐన మహాత్మాగాంధీ తన ఆత్మ కథ "My Experiments with Truth"లో ప్రస్తావించాడు.
మహాత్మా గాంధీకి "రామ నామ పారాయణము" అంటే ఎంతో మక్కువ అని అందరికీ తెలిసిన విషయమే. మోహన్ దాస్ కరమ్ చంద్ గాంధీ కి బాల్యములో దయ్యాలు,భూతాలు అంటే భీతిల్లే వాడు. "రంభ" అనే ఆయా బాల గాంధీ సంరక్షణ చూసేది. ఆ ముదుసలి దాది "భయం వేసినప్పుడు 'రామ రామ ' అని మంత్రం జపించు. నీ భయం చిటికెలో మటుమాయమౌతుంది" ఈ చిట్కాను అక్షరాలా పాటించిన గాంధీ ఎల్లప్పుడూ ఈ విశేషాన్ని తలుచుకుంటూండే వాడు. చిన్ననాట తన మనసులో పెద్దలు మంచి బీజములను నాటారు. ఆ బీజము వృక్షములా పెరిగి, తన వ్యక్తిత్వాన్ని తీర్చిదిద్దే పరికరము ఐనదని - కృతజ్ఞతతో ఆ గురుతుల్యులను తలిచాడు గాంధీజీ.

******

బిలేశ్వర్ కోవెల లో పరమేశుని బిల్వపత్రములతో పూజిస్తారు. ఆ పల్లెటూరులో నివసిస్తూన్నాడు లాడా మహరాజ్. ఈయన రామాయణమును వివరించి చెప్పే విధానం మృదులతరమైనది. లాడా మహరాజ్ బోధించే రామాయణ ప్రవచనములను ఆలకించడానికై ప్రజలు ఆహ్వానిస్తూండేవాళ్ళు. 
గాంధీజీ తల్లి దండ్రులు పుత్లీ బాయి, చంద్ గాంధీ. 
గాంధీజీ కుటుంబం పోరుబందరులో కొన్ని సంవత్సరములు ఉన్నది. మోహన్ దాస్ తండ్రి- కరమ్ చంద్ గాంధీ కొన్నాళ్ళుగా అనారోగ్యంతో బాధపడ్డారు. అప్పుడు లాడా మహరాజ్ ని "రామాయణ ప్రవచనములను వినిపించండి" అని లాడా మహరాజ్ ని పిలిపించినారు. 

మన గాంధీ మహాత్ముడు 












                                                        (శ్రీ కృష్ణుని ప్రాణ స్నేహితుడు;కుచేలుడు, కుచేలుని అసలు పేరు సుదాముడు. చేలము = వస్త్రం కూడా తక్కువైన పేద- కనుక 'కుచేలుడు' ఐనాడు. "సుధామ పురము" అనేది పోరుబందరు ప్రాచీన నామము)

******

చిన్ననాటి నుండే శ్రీమద్రామాయణము పట్ల, ఆ ఇతిహాసంలోని పాత్రల పట్ల, అనుబంధాల పట్ల ఎంతో మమకారము ఏర్పడింది బాపూజీకి. 
అందుచేత రామాయణ ప్రవచనములను ఆసక్తితో, భక్తి వినమ్రతలతో వినే శ్రోతలలో ముఖ్యుడుగా ఉంటూండే వాడు ఈ భవిష్యత్ భారత జాతిపిత. గాంధీజీ లోని సహజమైన ఈ భక్తిప్రపత్తులచే హరికథకుడు లాడా మహరాజ్ కి ప్రేమ కలిగింది. అతను అనేక వాస్తవ సంఘటనలను గాంధీకి చెబ్తూండే వాడు. లాడా మహరాజ్ చెప్పిన ఈ అంశం బాపూజీకి బాగా జ్ఞాపకం ఉండేదిగా ఐనది. 
లాడా మహరాజ్ ఇలాగ వక్కాణించాడు.

ఆలాగున వక్కాణించిన లాడా మహరాజ్ జీవిత విశేషాలలో ఒకటి ఇది.

ఒకసారి లాడా మహరాజ్ కి కుష్ఠు రోగం వచ్చింది. ఆ రోజులలో మందులూ మాకులూ లేని వ్యాధిచే సంఘములో అతడు వెలివేయబడి, చాలా మనో వేదనను అనుభవించాడు. 
పౌరాణిక మహరాజ్ ఆర్తితో భగవంతుని శరణు వేడాడు. లాడా మహరాజ్ ఇంటికి చేరువగా బిలేశ్వర ఆలయం ఉన్నది. కోవెలలో కొలువు ఉన్న స్వామి బిలేశ్వరుడు ఐన పరమేశుడు. 
అర్చకస్వాములు నిత్యం మారేడు ఆకులతోనూ, విభూది, పూజా సామగ్రితోనూ పూజలు చేస్తూంటారు. ప్రతిరోజూ పాత ఆకులను తీసి, మళ్ళీ మర్నాడు కొత్త పత్రములతో అర్చనలు చేసే వారు. అలాగ వాడిపోయిన, పారేసిన పత్ర పుష్పాదులను "నిర్మాల్యం" అని అంటారు. లాడా మహరాజ్ ఆ పూజాద్రవ్యాది నిర్మాల్యములను ఇంటికి తెచ్చుకునే వాడు. .ఆకులను నలిపి, మేనుకు పులుముకునే వాడు. నిరంతరమూ రామ నామ జపం చేస్తూ, తన గాయాలకు పసరును రాసుకున్నాడు లాడా మహరాజ్. చిత్రంగా లాడా మహరాజ్ ఒంటి చీడ కుష్టు మటు మాయమైంది. 

లాడా మహరాజ్ దోహాలు, చౌపాయీలు గానం చేస్తూ అర్ధ తాత్పర్యాలు విడమర్చి శృతిపక్వంగా చెప్పే వాడు. 

జనులకు వినిపించుటకై లాడా మహరాజ్ పోరుబందరుకి వచ్చినప్పుడు ఆయన దేహంపై ఎలాటి వ్యాధి చిహ్నాలు లేవు.

******

లాడా మహరాజ్ ఆశువుగా చెప్పే గాన సుధలను బాల గాంధీ తన్మయత్వముతో ఆస్వాదించాడు. 13 ఏళ్ళు ప్రాయము గల నాటి గాంధీ భక్తిభావాలకు పునాది ఐనది. శ్రీమద్రామాయణ ఐతిహ్య భావజాలము. గాంధీజీ వ్యక్తిత్వాన్ని తీర్చి దిద్ది, భారతీయుల మన్ననలను అందుకున్నాడు ఏ రాజులూ, ప్రభుత్వాలూ ఇవ్వ నవసరం లేని బిరుదులను గాంధీజీ పొందాడు.

జాతిపిత, మహాత్మా, బాపూజీ (గుజరాతీ భాషలో “తండ్రి” అని ఆప్యాయతా పూర్ణ భావం) ఇత్యాది బిరుదులు హిందూ దేశ చరిత్రలోని స్వర్ణాక్షరములు ఐనవి. గాంధీజీ అనుసరించిన మార్గ నిర్దేశకత్వ సిద్ధాంతములు అతి శక్తివంతమైన మానవతా మహా వృక్షపు తల్లి వేళ్ళు. ఆయన బోధనా సూక్తులు వైపు కేవలము ఇండియాయే గాక, యావత్ ప్రపంచమూ దృష్టి సారించేలా చేసినవి. 

ముక్తాయింపుగా చెప్పారు బాపూజీ "నాటికీ, నేటికీ, ఏనాటికి భక్తి సాహిత్య సామ్రాజ్యాన శ్రీ తులసీ దాసు విరచిత రామాయణము ధగధ్ధగిత మణి మకుటము- అని నేను తలుస్తున్నాను."

(My Experiments with Truth - Translated by (from Gujarati) : Mahadev Desai )
****** 
Essay  (link - New aawa)
బాపూజీ - రామభక్తి
User Rating:  / 1
    Member Categories - తెలుసా!
    Written by kadambari piduri 
    Wednesday, 02 April 2014 12:41 
    Hits: 71  

కోణమానిని 984 posts, 55461

14, నవంబర్ 2013, గురువారం

జమ్మి చెట్టు కథ

జమ్మి చెట్టు ఆకులను బంగారముతో సమానముగా భావిస్తూ, ఆదాన ప్రదానములుగ ఉన్న ఆచారముగా- మన ఆంధ్రదేశములో వ్యాప్తిలో ఉన్నది. 

"ఆప్త తరువు" ను మహారాష్ట్రలోని ప్రజలు పూజిస్తారు. 
ఆ తర్వాత ఆ చెట్టు  ఆకులను తీసుకుంటారు. ఈ పత్రములను 'బంగారము 'నకు ప్రతీకగా జనులు భావిస్తారు. కాంచన సంకేతమైన ఆ  కులను ప్రజలు ఒకరి  కొకరు ఇచ్చి పుచ్చుకుంటూంటారు./ ఇలాటి పరస్పర ఆదాన ప్రదాన ఆచారముచే- అందరి మనసులలో ఉన్నట్టి పాత వైషమ్యాలు తొలగిపోయి, స్నేహభావము నెలకొంటుంది.  
ఆప్త వృక్షానికి పూజచేసి, బంగారు ఆకులని పిలిచే ఆ ఆకులని స్వర్ణానికి సంకేతంగా, ఒకరికొకరు అందించుకుంటారు  
మహారాష్ట్రీయులు (Shanu and Apta tree/ Aapati trees) ఆపతి తరువు హరిత దళాలను ఇలాగే వినియోగిస్తారు. వారు అత్తి చెట్టు ఆకులు, తెల్ల ఆరె చెట్టు పత్రములుతో వ్రతాన్నిచేస్తారు. ఇందుకు కారణముగా ఒక కథ కలదు.
;


















*********

కౌత్స, వరతంతు కథ:

ప్రతిష్ఠానపురంలో నివసిస్తూన్న దేవదత్తుని తనయుడు కౌత్సుడు. తండ్రి కౌత్సుని విద్యాభ్యాసము కొరకు వరతంతు అనే ఋషికి బాధ్యతను అప్పజెప్పాడు. వరతంతు గురువు వద్ద విద్యను అభ్యసించాడు కౌత్సుడు. దేవదత్తుని కుమారుడు కౌత్సుడు. గురుకులంలో విద్యాభ్యాసం పూర్తి ఐనది. గురుకులమునుండి ఇంటికి వెళ్ళే తరుణం వచ్చింది. 

"గురువర్యా! మీకు ఏ గురుదక్షిణను నేను ఇవ్వవలెను? మీరు ఏదైనా వస్తువులను తెమ్మని ఆనతి ఇస్తే తెస్తాను" వరతంతు దరహాసముతో "నీ శ్రద్ధాసక్తులూ, వినయవిధేయతలే నాకు నీవు ఇస్తూన్న నిజమైన గురుదక్షిణ, అది చాలును నాకు! నీవు పరిపూర్ణ విద్యావంతునివైనావు. నాకు ఆ తృప్తి చాలును" అంటూ ఆశీస్సులు ఇచ్చాడు. కానీ కౌత్సునికి మనసులో ఎంతో వెలితి! ఇన్ని ఏళ్ళుగా భోజనము పెట్టి సాకిన గురు దంపతులు కన్నవారిని తలపించేలా చదువులు చెప్పారు. అట్టి మహనీయులకు ఏమి ఇవ్వక తాను గృహోన్ముఖుడు ఐతే ఎలా?" అదుచే శిష్యపరమాణువు పట్టు విడువక "మీ కోసం ఏదో ఒకటి నేను తెస్తాను,చెప్పండి స్వామీ!” 

అయ్యవారికి ఈ బాలుని మొండితనం చిరాకు తెప్పించింది. విసుగుతో "ఐతే నాకు బంగారు నాణెములు కావాలి. నేను నీకు 14వేదములు నేర్పాను. ఒక్కొక్క శాస్త్రానికీ ఒక్కొక్క కోటి చొప్పున 140 కోట్ల హేమ టంకములు తీసుకురా!" అని పలికాడు.

అందుకు "సరే!" నని కౌత్సుడు అంగీకరించి, వరతంతు వద్ద సెలవు తీసుకున్నాడు.


*********

అటు తర్వాత బహు యోచన చేసాడు. తండ్రి, హితుల సలహా తీసుకున్నాడు. ధర్మదాత అని పేరు పొందిన రఘు మహారాజు వద్దకు వెళ్ళాడు. 
(రఘు చక్రవర్తి వంశీయుడే శ్రీరామచంద్రుడు, కనుకనే ఆతనిని 'రఘుపతి" అని కూడా పిలుస్తారు)

కౌత్సుడు వెళ్ళే వేళకు రఘు చక్రవర్తి "విశ్వజిత్ యజ్ఞము"ను చేసాడు. యజ్ఞ యాగాలు చేసే ప్రభువులు 'అడిగిన వారికి లేదనకుండా దానము చేయాలి. ఆ ప్రకారము అప్పటికే ప్రజలందరికీ రాజభవనములోని డబ్బు, దస్కమూ, సొమ్ములను యావత్తూ తన సర్వస్వము దానము చేసేసాడు. ఆయన కోటలోకి - ధనమును యాచించుటకు వచ్చినప్పుడు రఘు చక్రవర్తి కోశాగారం ఖాళీ ఐంది. కౌత్సుడు తన ’గురుదక్షిణ’ సంగతి తెల్పగా, ఖిన్నుడు ఐనాడు ఆ చక్రవర్తి.

"కౌత్సా! ఎల్లుండి రమ్ము!" అని చెప్పాడు. 

మూడురోజుల గడువులోపల రాజు అంత ధనాన్ని తీసుకురావాలనుకున్నాడు. అతను ఇంద్రుని వద్దకు వెళ్ళి ద్రవ్యమును కోరాడు. ధనపతి కుబేరుని పిలిచాడు మహేంద్రుడు. 
"కుబేరా! రఘు సామ్రాట్టు ముఖ్యపట్టణము అయోధ్య. ఆ రాజధానిలోని షాణు, అపర్తి చెట్లు (Shanu and Aapati trees) పై స్వర్ణ నాణాల వర్షము పడేలా చేయి!" అంటూ అజ్ఞాపించాడు సురపతి. 
అయోధ్యలో ఎడతెరిపి లేకుండా సువర్ణ వర్షం కురిసింది. అలాగ వర్షించిన ధనమును పూర్తిగా కౌత్సునికి ఇచ్చేసాడు రఘువు. [సురవర అనుగ్రహముతో లభించిన అగణిత అపరంజి రాసులు అవి!]

కానీ కౌత్సుడునికి డబ్బు అంటే వ్యామోహము లేదు. తన గురుదక్షిణకు అవసరమైన 140 కోట్లు మాత్రమే తీసుకున్నాడు కౌత్సుడు. అతడు"మహాప్రభువుకు కృతజ్ఞతలు" చెప్పి గృహోన్ముఖుడైనాడు.

*********

గురువు గారు కోరిన నాణెములు తీసుకుని తక్కినవి రఘురాజుకు తిరిగి ఇచ్చేసాడు కౌత్సుడు.

దానముగా ఇచ్చిన వాటిని మళ్ళీ తీసుకోకూడదు రాజు. కావున రఘువు "ఈ డబ్బును నేను తీసుకోను" అంటూ నిరాకరించెను. అప్పడు కౌత్సుడు మిగిలిన డబ్బును ప్రజలకు అందరికీ పంచాడు. అయోధ్యా పట్టణమునందు తెల్ల ఆరె చెట్ల పైన కనకవర్షము కురిసిన రోజు ఆశ్వీజ శుక్ల దశమి.

పథాన్ నివాసి ఐన కౌత్సుని అన్వేషణ వలన ఆపతి తరువుల కుందన వృష్టి కురిసి, ధనరాసులనిలయాన్ని చేసింది అయోధ్య నగరము సిరి సంపదలు పొంగులు వారి సుఖసంతోషములతో విలసిల్లసాగినది. నాటినుండీ ప్రజలు అత్తి చెట్టు ఆకులను/తెల్ల ఆరె చెట్టు పత్రములను' పసిడి 'కి ప్రతీకలుగా భావిస్తూన్నారు. ఇరుగుపొరుగువారికీ, బంధు మిత్రులకూ ఒకరికొకరు ఇచ్చి పుచ్చుకుంటూండడం నవ రాత్రి, దసరాల ఆనవాయితీ ఐనది.

వరతంతు గోత్రము :- 

ఋషుల మూలములను స్వీకరించి, జనులు – ఆయా గోత్రములవారు ఐనారు. ఈ పద్ధతిలో- “వరతంతు గోత్రీకులు” ప్రవర, ఋషిమూలములు ఏర్పడినవి. ఈ సంప్రదాయము ఆయా వ్యక్తుల ప్రాచీనతకు పునాదులు. ఇందుచే శాస్త్రజ్ఞులకు- మనుష్య జాతి జీన్సు, పరిణామములు – మున్నగు అనేక అంశముల గూర్చి సులభముగా రీసెర్చ్ చేయడానికి అనువైన వాతావరణము ఏర్పడింది.) 

User Rating:  / 1 
PoorBest 

16, ఆగస్టు 2012, గురువారం

లిటిల్ థింగ్స్ జూలియా

చిన్ననాటి జ్ఞాపకములలో ఒకటి-  
"లిటిల్ థింగ్స్" - 
ఇంగ్లీషు టెక్స్ట్ బుక్స్ లోని  ఈ కింది పోయెమ్.  
    
Little DrOps of water;
Little grains of land;
Make the mighty ocean;
And the pleasant land; 
;
లిటిల్ డ్రాప్స్ ఆఫ్ వాటర్









జూలియా ఫ్లెచెర్  (Julia Fletcher)  
రాసిన పద్యమిది. 
తొలి verse అందరికీ తెలిసిఉంటుంది.
ఈ దిగువ ఇచ్చిన కవిత. 
ద్వితీయ కవితా ఖండిక ఇది. 
;
                                           
So the little minutes;
Humble though they be;
Make the mighty ages;
              of Eternity.

వెరసి మొత్తం poem ఇది:-

Little DrOps of water;
Little grains of land;
Make the mighty ocean;
And the pleasant land; 

 So the little minutes;
Humble though they be;
Make the mighty ages;
              of Eternity.

**************************;
జూలియాఎబిగైల్ ఫ్లెచర్ కార్నీ (ఏప్రిల్ 6 , 1823 - 1 నవంబర్ 1908) 
అమెరికన్ కవయిత్రి. 14  వ ఏట నుండీ 
ఆమె రచనలు పత్రికలలో అచ్చు అవసాగినవి. 
జూలియా (Julya abigail flecher carney)  
తరువాతి కాలంలో వివిధ భావనలను (various pseudonyms) 
లిపిబద్ధము చేసినది.
అటు ఫిక్షన్ నూ, ఇటు నాన్ ఫిక్షన్ నూ  
ఏక కాలములో రాసేసిన సవ్యసాచి ఆమె. 
జూలియాఎబిగైల్ ఫ్లెచర్ కార్నీ రాసిన 
"లిటిల్ థింగ్స్ ..... " అనే చిట్టి పద్దెము - 
మొదట "బాల గీతము" గా ప్రాచుర్యాన్ని పొందింది.  
అటు పిమ్మట - కొంతకాలానికి ఆమె రచించిన  పద్య ఖండికలు - 
"నిర్వచన స్థాయి"ని ఆర్జించి, ప్రపంచ ప్రఖ్యాతి గాంచినవి.

***************************;
Julia Abigail Fletcher Carney 
Familiar Quotations 9th edition (1906) - edited by John Bartlett
The Oxford Dictionary of Quotations (1999) - by Elizabeth Knowles  &
                                                Angela Partington
The Yale Book of Quotations (2006) -
ed. Fred R. Shapiro -
మున్నగు అనేక సంకలనములలో ముద్రణ ఐనవి.
విభిన్నపబ్లికేషన్లు లో - 
(pun@h puna@h ) పునః పునః ప్రింటు ఔతూవచ్చినవి.

Julia Abigail : (Link);

 ప్రజలు అందరికీ 65 వ స్వాతంత్ర్యదిన శుభాకాంక్షలు!

7, ఏప్రిల్ 2011, గురువారం

మూల వీణ సవర జాతిదే!













;;;;;

" శ్రీ తుంబుర నారద నాదామృతం
స్వర రాగ రస భావ తాళామృతం ..."అని బాలక్రిష్ణ "భైరవ ద్వీపం"అనే తెలుగు సినిమాలో పాడిన పాట super hit ఐనది.వీణ - మన హిందువుల ప్రాచీన వాయిద్యము.సాంప్రదాయ సంగీతమునకు పట్టు కొమ్మ వీణ.మనుష్యులకు వలెనే ; (అనేకమంది తమ పెంపుడు జంతువులకు కూడా)
వాయిద్యకారులు తాము వాయిస్తూన్న పరికరాలకు ముద్దు పేర్లు పెట్టుకుంటారు

సరస్వతీ దేవి వీణ పేరు "కచ్ఛపి".నారదుని వీణ "మహతి".తుంబురునికి వీణను ప్రత్యేక శ్రద్ధతో చేయించాడు "ప్రాచీన బర్హి"అనే ప్రభువు.తుంబుర వీణగా ఆ ఋషి పేరుతోనే ప్రసిద్ధి గాంచినది. రావణ బ్రహ్మ వాయించేది "రుద్ర వీణ".సవరలు గానం చేసేటప్పుడు నేపథ్యము గా వాయించే వాయిద్యాలు కొన్ని ఉన్నాయి.వాటిలో మైమెరాజ్ - అనే పేరు గల musical instrument , రెండు తీగలు కలిగి ఉన్నది. ఈ memeraj- ఆర్య నాగరికతలో ప్రథమ స్థానాన్ని గడించిన "వీణకు " ఇది మూల రూపము." - అని రామమూర్తి అభిప్రాయము.అలాగే ఇంకొక వాయిద్యము " సరాకద్రజ్ఞ" . సొరా మ్యూజిక్  వాయిద్యాన్ని సవరలు విస్తృతంగా వాడుతారు. parisలోని ప్రొఫెసర్ కు వ్యాసాన్ని అందించారు గిడుగు.professor- uls block అనే విద్వాంసునికి రామ మూర్తి 1932 -  '33 లో అందించారు.


(సవర జాతి వీణ - గిడుగు రామ్మూర్తి పంతులు గారి పరిశోధన ;

  మూల వీణ సవర జాతిదే!)

ఉభయకుశలోపరి - ఉగాది శుభఘడియలు

"అది ఒక చల్లని రాత్రి....." పాటను హమ్ చేస్తూ, సినిమాలోని హీరోయిన్ మాధవి అందచందాల నగుమోమును తలుచుకుంటూ ఆ ఊహలతో మైమరచిపోతూ ఇల్లు ...