అలక్ నిరంజన్! అలక్ నిరంజన్!

"అలక్ నిరంజన్" అనే ఊత పదం 
బహుళ వ్యాప్తిలో ఉండడం మనకు తెలిసినదే కదా!


'అలక్ నిరంజన్’ అనగా "లక్షణములను  
                తటస్థ చిత్తముతో భావించే వాడు" అని భావము. 
ఈ అలక్ నిరంజన్ అనే మాటకు 6-7 వ శతాబ్దముల నాటి నుండీ 
ఒక మంత్రము వలె జనవాక్యమై ప్రచారములోనికి వచ్చింది. 
నేడు ఆ "అలక్ నిరంజన్" పదము ఒక ఊనిక కల ఊత పదంగా 
అనేక జిహ్వాలపైన ఆడుతున్నది. 
అసలు ’అలక్ నిరంజన్’అనే శృతి సుభగమైన ఈ పదము ఎక్కడినుండి వచ్చింది?


అలక్ నిరంజన్  అనగానే యోగ సాంప్రదాయ అనుయాయులకు, 
నాథ సాంప్రదాయ ప్రవర్తకులకూ తటిల్లతలలాగా హృదయాలలో 
మెరిసే వ్యక్తియే "మత్స్యేంద్ర నాథ్". 
నిర్గుణ బ్రహ్మ తత్వ ప్రతిపాదిని ఈ పదము. 
శ్వేతేశ్వర ఉపనిషత్తు నుండి ఈ యోగ సాంప్రదాయ వేద వాక్యము- గ్రాహ్యమైనది. 
పరమ శివుని- "సత్ + చిత్ + ఆనందమూర్తి-" గా 
భక్తుల హృదయాలలో సాక్షాత్కరించడమే ఈ అలక్ నిరంజన్- పద సాకారత్వ మహిమ.


మనము చైత్ర మాసములో నూతన వత్సర శుభ ఘడియలను ఆహ్వానిస్తూ, 
ప్రసాదమును స్వీకరిస్తాము. 
అదే పంథాలో బెంగాల్, మున్నగు రాష్ట్రాల వారు వైశాఖ మాసములో 
కొత్త సంవత్సరమును ఉత్సాహభరితంగా చేసుకుంటారు. 
అదే రోజున మత్స్యేంద్ర నాథ్ జాతర జరుగుతుంది.


మాయా మచ్చీంద్ర- సినిమా తెలుగు 1975 లో వచ్చింది. 
(ఐతే సినిమా హిట్ అవలేదు). 
ఎన్.టి.రామారావు, వాణిశ్రీ, రామకృష్ణలు ప్రధాన నటీ నటులు. 
;

మత్స్యేంద్ర నాథ్  శిష్యులు రెండు వర్గాలు - 
1. ముని యోగి చౌరంగిలు, 
2. గోరఖ్ నాథ్ వర్గీయులు.


గోరఖ్ నాథ్ మత్స్యేంద్ర నాథ్ శిష్యుడు. 
పింగళ అనే రాణి మత్స్యేంద్ర నాథ్ ను ప్రేమించి, పెళ్ళాడింది. 
గోరఖ్ నాథ్ తన గురువు ఉన్న దేశానికి (మధ్య భారత దేశములోని- త్రియా/ తర్యా సీమ)కు వెళ్ళాడు. 
భోగవిలాసాలలో మునిగి తేలుతూ, 
లోకములోని ప్రజల బాధలను గమనించని స్థితిలో ఉన్న 
మత్స్యేంద్ర నాథ్ లో జాగృతిని కలిగించాడు. 
గురువును అతి స్వతంత్ర బుద్ధితో, చాలా చనువు తీసుకుని, హెచ్చరిస్తూ,
మరల నిర్దేశించుకున్నట్టి మార్గములోనికి నడిపగలిగిన వింత ఘటన ఇది. 
గురు శిష్య బంధములో విభిన్న శైలిని ఆవిష్కరించిన సంఘటన, 
హిందూ ఇతిహాస, పురాణ గాథ- బహుశా ఇది ఒక్కటేనేమో!


అలాగే కేవలము సిద్ధాంతాలకే పరిమితము చేసేయకుండా, 
మాటల సూత్రాల గిరి గీతలలో  ఇమడ్చకుండా 
మానవులు ఆరోగ్య, జ్ఞాన, సముపార్జన లక్ష్యాలను రూపొందించిన 
అద్భుత యోగ గురువు మత్స్యేంద్ర నాథ్. 
నాథ సాంప్రదాయ స్థాపకుడైన మత్స్యేంద్ర నాథ్ 
"మీననాథ్" అనే పేరుతో కూడా  పిలువబడ్తున్నాడు. 
మత్స్యేంద్ర నాథ్ జాతర, అనగా మత్స్యేంద్ర నాథ్ రథ యాత్రను 
నేపాల్, మహారాష్ట్ర, బెంగాల్ ఇత్యాదిగా-
ఉత్తర భారత దేశంలోని కొన్ని రాష్ట్రాలలో ఘనంగా జరుపుకుంటారు.


ఈ రోజు "నేపాల్ సంవత్" (New Year 1129 NS (Nepal Sambat)అంటే 


"నేపాలీయుల నూతన సంవత్సరము పండుగ"ను 
మన దక్షిణాదిలో "ఉగాది పండుగ" లా అన్న మాట. 


అలక్ నిరంజన్! అలక్ నిరంజన్! (Link: newAvakAya web magazine)
User Rating: / 1 
Member Categories - తెలుసా!
Written by kadambari piduri   
Sunday, 22 April 2012 12:49

గోరఖ్ నాథ్ - గూర్ఖాలు

Gurkhas,  Lashkar Gah

                    నమ్మకము, ధైర్య సాహసాలకు మారు పేర్లుగా నిలిచిన - "గూర్ఖాలు" 
మనకు సుపరిచితమైన పేరే! నిత్యమూ రాత్రుళ్ళు, లాఠీలతో చప్పుడు  చేస్తూ, 
కారుచీకటి వేళలలో ప్రజలకు మెలకువ తెప్పిస్తూ "పారా హుషార్!" చేస్తూ,
చోరభయాలనుండి కాపాడే విధిని 
స్వచ్ఛందముగా తమ భుజస్కంధాలపైన నిడుకొన్నవారు గూర్ఖాలు- అని 
ఆసేతుహిమాచల పర్యంతమే కాకుండా, యూరోపు వాసులకు కూడా తెలిసిన కబురు ఇది.


గూర్ఖా ప్రజలు- ఒక విలక్షణమైన ప్రత్యేకతను కలిగిఉన్నారు. 
బ్రిటిష్ వాళ్ళు పాలించినప్పుడు- ఇండియా  సైన్యంలో 
గూర్ఖా బెటాలియన్ ను ప్రత్యేకంగా ఏర్పరిచారు అంటే 
శతాబ్దాల క్రితం నుండీ గూర్ఖాల విశ్వాస, ధైర్యములు 
చరిత్రలో ప్రసిద్ధమైనవి అనే సంగతి తెలుస్తూన్నది.


&&&&


"గూర్ఖా, గూర్ఖా లాండ్"- అనే మాటల మూల ధాతువు ఏమిటో తెలుసునా?


8వ శతాబ్దములో హిమాలయ సాను సీమలలో 
"గూర్ఖా" అనే పేరు కొండ జాతి ప్రజలకు వచ్చినది. 
శిష్యుడైన "బప్పా రావల్" వలన గోరఖ్ నాథ్ గాథ ప్రజలకు అందుబాటులో ఉన్నది. 
గురు గోరఖ్ నాథ్ "అద్భుత ముని యోధుడు". 
బప్పా రావల్ అనే రాజపుత్ర ప్రభువు ద్వారా- గూర్ఖా- అనే పద ఆవిర్భావము సంభవించినది. 
హిందువుల ప్రకృతి పూజలో భాగంగా "గో మాత" గా వారు భావిస్తూ, 
పూజిస్తూన్న గోవు  (Prakrit phrase  'go rakkha' meaning 'protector of cows) - 
"గోరక్షణ"- గో రక్ష- అనే సంస్కృత పదము నుండి- 
ప్రాకృత పదమైన "గో రక్క" పునాదిగా 
"గూర్ఖా దేశము", గూర్ఖా ప్రజలు- ఒక విలక్షణమైన ప్రత్యేకతను కలిగిఉన్నారు.


&&&&


గోరఖ్ నాథ్ - నవ నాథ సాంప్రదాయ నిర్మాత. 
శైవ యోగి గోరఖ్ నాథ్, మానవుల ఆరోగ్య ప్రదీపకగా "యోగము"లను కనిపెట్టి, 
అందరికీ అందించాడు. 
11- 12 వ శతాబ్దాలలో గోరఖ్ నాథ్ నెలకొల్పిన యోగ సిద్ధాంత విధానాలు- 
సంఘజీవనములో మేలి మలుపు. 
గోరఖ్ నాథ్ ("Eternal sage" ) - వలన  హఠ యోగమునకు- గొప్ప ప్రచారము వచ్చినది.


&&&&&&&&


గోరఖ్ నాథ్ యుద్ధవిద్యలతో సాగిన యోగి. 
అంటే షాంగై - లో కుంగ్ ఫూ, కరాటే ఆదిగా స్వీయ రక్షణా విద్యలను, 
బౌద్ధ సన్యాసులు, బౌద్ధ గురు శిష్యులూ- పరంపరగా నేర్చిన విద్యల వలెనే- 
గోరఖ్ నాథ్ కూడా స్వయానా స్వీయ సంరక్షణకై రణ విద్యలకు ప్రాధాన్యాన్ని ఇచ్చాడు. 
ఆఫ్ఘనిస్థాన్, పంజాబ్ మొదలుకొని అనేక దేశాలలో తిరుగుతూ, 
అనేక ప్రాంతాలలో సంచరిస్తూ, ప్రజలకు ఆత్మస్థైర్యాన్ని నింపాడు. 
ఆతనిని హిమాలయాలలో, కొండజాతి ప్రజలు అనేకులు ఆయనను అనుసరించారు. 
అధికశాతం ఆయన అనుయాయులు ఐనారు. 
వారు తమ పేర్లను "గోరఖ్ బాబూజీ" పట్ల భక్తిసూచకంగా "గూర్ఖా" అని పెట్టుకోసాగారు.
అలాగ "గూర్ఖాలు జాతి"కి మూలధాతువును అందించిన మహర్షిగా 
gorakhnath ప్రజా వందనములను అందుకున్నాడు.


 గోరఖ్ నాథ్ సిద్ధాంతములకు భక్తుడై, 
ఆయనకు శిష్యుడైనాడు  "బప్పా రావల్". 
మేవార్ రాజపుత్ర వంశ మూల పురుషుడని చెప్పదగిన- బప్పా రావల్ వలన 
గోరఖ్ నాథ్ గాథ ప్రజకు అందుబాటులో ఉన్నది. 
బప్పా రావల్ అనే రాజపుత్ర ప్రభువు ద్వారా గూర్ఖా అనే పద ఆవిర్భావము యొక్క 
విపుల విస్తరణతో నేపాలీలకు గూర్ఖా - అనే నామ ప్రఖ్యాతులై, 
చరిత్రలో వారికి విభిన్నమైన గుర్తింపు లబించినది.
  




గోరఖ్ నాథ్ - గూర్ఖాలు (newaawakaaya.com)


Member Categories - తెలుసా!
Written by kusuma   
Sunday, 15 April 2012 13:06 
;  

కింటూరు లో ప్రకృతి అద్భుతము

;;;;;;;;;;;;;;;;;;;;;;;;;;;;

;














మహాభారత కాలము నాటి చెట్టు అది
ఈ"పారిజాత తరువు" కుంతీ మాత చితాభస్మమునుండి ఉద్భవించినదని జన విశ్వాసము.
అనేక కథలు, లెజెండ్సు (legends) ప్రచారంలో ఉన్నవి. 
ఒక కథ ప్రకారం:-
పారిజాత పాదపమును అర్జునుడు, 
స్వర్గసీమనుండి తీసుకువచ్చాడు. ఆ చెట్టు కు పూచిన పూలతో- 
కుంతీ దేవి ప్రతి రోజూ పరమేశ లింగమును అలంకరించి, అర్చనలు చేసినది.
ఇంకొక కథ:- మన అందరికి తెలిసినదే!
ముక్కు తిమ్మనార్యుని రచన "పారిజాతాపహణము".
ముద్దుల భార్య సత్యభామ కోసమని, సురేంద్రునితో  పోట్లాడి,పోరాడి ధరణికి తెచ్చి, 
ఆ పారిజాతం చెట్టును, సత్యభామ ఉంటూన్న భవంతి ఆవరణలో నాటించాడు 
లీలావినోది, వేణుగానలోలుడు శ్రీక్రిష్ణమూర్తి. 
ఐతే ఈ రెండు కథలలో నేపథ్యమును అందరూ గమనించగలరు.
అది ఏమిటంటే- భారతదేశములో- 
విదేశాల నుండి తరు సంపద, జంతువులు మున్నగు వాటిని కూడా తీసుకు వచ్చేవారు.
అలనాడు మణులు, రత్నాలు, వస్త్రాలు,సుగంధ ద్రవ్యాలు ఇత్యాది సామగ్రి- 
ఎగుమతులకు మన దేశం పెట్టినది పేరు.
అదే రీతిలో అరబ్బీ గుర్రాలు, ఖర్జూరములు వగైరా 
సరంజామాలను, వస్తువులను, దిగుమతి చేసుకునే వారు.
ప్రాచీన శతాబ్దాలనుండీ భారీ ఎత్తున 
వాణిజ్య, ఆదాన ప్రదానాలు నిరాటంకముగా హిందూ దేశములో జరిగినవి.    
(ఈ అంశము చాలా విస్తృత పరిధి కలిగినది)
పర సీమలలోని మొక్కలనూ, చెట్లనూ, జంతువులనూ పాలకులు, ప్రజలు- 
విపణివీధులలో క్రయ విక్రయాలు చేసే వారు- అనే చారిత్రక విశేషమును-
కవులు విస్మరించినారు, ఈ దృక్పథాన్ని వీడుటచేత- చరిత్రలో ఇట్టి అంశాలు చోటూ చేసుకోలేదు.
ఐనప్పటికీ- సత్యభామా విజయము- వంటి నాటికలు, రచనలు, కావ్యాలూ 
కొంత మేలును కూరుస్తూ, ఊరటనిచ్చినవి- అని వక్కాణించవచ్చును.



అఖ్తర్ హుస్సేన్ (NDUAT, Akhtar Hussain Khan)మున్నగువారు 
ఈ పురాతన వృక్ష పరిరక్షణకై కృషి చేస్తూన్నారు.

ఉత్తర ప్రదేశ్ లోని- కింటూరు లో ప్రకృతి అద్భుతము  (Link)

విక్రమార్కసంవత్ – కేలండర్

మన దేశంలో విక్రమార్క మహారాజు పేరు బాలలకు సుపరిచితమే!
విక్రమార్క మహారాజు ఉజ్జయినిని పరిపాలించాడు.
“పట్టు వదలని విక్రమార్కుడు” గా ఆబాలగోపాలమునూ
 ”చందమామ కథలలో” అలరించాడు.
“సింద్ బాద్ అద్భుత యాత్రలు”లో పాదుషా అబూ హసన్ ఎలాగో,
భారతీయ కథలలో విక్రమార్కుడు కూడా అలాటి వాడు.
ఈతని సోదరుని పేరు భట్టి.
“భట్టి విక్రమార్కులు” గా ఆ అన్నదమ్ములు,
వారి కథ సుప్రసిద్ధమైనదే!
(“భట్టి విక్రమార్క” అనే సినిమా కూడా 1960 (=౧౯౬౦) లో  వచ్చింది)
క్రీస్తు శకము 58 లో “విక్రమార్క శకము” ప్రారంభమైనది.
విక్రమాదిత్యుడు ఈ “”విక్రమ శకము”నకు అంకురార్పణ చేసాడు.
“విక్రమార్కశకము”ను సంవత్ శకము” అని కూడా అంటారు.
వైశాఖమాసము మొదటి నెల, ఫాల్గుణ, చైత్ర మాసములతో  సంవత్సర చక్రము పూర్తి ఔతున్నది.
మనము ఇప్పుడు రోజూ చూస్తున్న కేలండర్ క్రీస్తు శకము 2011-2012 (2011 CE) ,
విక్రమార్క సంవత్సరమును BS/ VS- అని సూచిస్తున్నారు.
నేడు 2011 సంవత్సరము అనగా
Nepali calendar-2068 BS అని అర్ధము అన్న మాట.


**********************************************************;


ఫాల్గుణ పౌర్ణిమ నాటితో “విక్రమార్క శకము- లోని
ఒక సంవత్సరము పూర్తి ఔతున్నది.
నేపాల్ లో విక్రమార్క కాల మానము- చంద్రమానమును వాడుతారు.
అంటే ఇండియాలో, చాంద్రమాన పంచాంగము వలె అన్న మాట.
నేపాల్ లో విక్రమార్కసంవత్ – కేలండర్ ను ఆధారంగా విశేషాంశాలను పరిశీలిస్తారు.
శకులు- పై విక్రమాదిత్యుడు సాధించిన విజయ జైత్ర యాత్రకు- నిలిచిన
మైలు రాయి ఈ విక్రమార్కసంవత్ శకము.
“vikram Samwat Era” కు మూలపురుషుడైన
చక్రవర్తి విక్రమాదిత్యుని సాహస జానపద కథలు ఎప్పటికీ రసగుళికలే కదూ!


***********************************************************;


విక్రమార్కసంవత్ – కేలండర్ (Link; Forkids, Web)
Published On Friday, February 10, 2012 
By ADMIN. Under: విజ్ఞానం, వ్యాసాలు.   
  రచన  : కాదంబరి పిదూరి

శ్రీ నందన వత్సర అభినందనలు

శ్రీ నందన వత్సర అభినందనలు

బ్లాగు మిత్రులకు, బ్లాగు పాఠకులకు- 
శ్రీ నందన నామ వత్సర అభినందనలు, శుభాకాంక్షలు.


కొత్త సంవత్సరము; 
సంబంధించిన నా వ్యాస మంజరీ పుష్పములు, లింకులు: 


లింకులు 1: A: Konamanini
లింకులు: 1: B Newaawakaaya.com

గాంధీజీ గారి పంచాంగం
Written by kadambari piduri   
Saturday, 10 December 2011 12:09


@@@@@@@@@@@@@@@@@@@@@

శ్రీ నందన నామ ఉగాది శుభాకాంక్షలు

లింకులు 2 A : Forkids, Web Magazine

విక్రమార్కసంవత్ – కేలండర్
Published On Friday, February 10, 2012 
By ADMIN. Under: విజ్ఞానం, వ్యాసాలు.   
  రచన  : కాదంబరి పిదూరి


@@@@@@@@@@@@@@@@@@@@@

లింకులు 3 A (Akhilavanitha.kom)
లింకులు 3 B (newawakaya) 

సంవత్సరములు- వర్గీకరణ పద్ధతులు; 

Sunday, January 1, 2012

శ్రీ పరశురాముల కొల్లమ్-శకము కాల నిర్ణయ పద్ధతి

&&&&&&&&&&&&&&&&&&&

శ్రీ నందన నామ వత్సర శుభాకాంక్షలు

సంవత్సరములు- వర్గీకరణ పద్ధతులు 

Member Categories - తెలుసా!

Written by kadambari piduri   Sunday, 12 February 2012 14:04

కొల్లమ్-శకము కాల నిర్ణయ పద్ధతి:-

@@@@@@@@@@@@@@@@@@@@@

12 Animals' names

బుద్ధుడు ఒసగిన 12 పేర్లు

January 02, 2012 By: జాబిల్లి  (Link, web)

Category: వ్యాసాలు

కోణమానిని తెలుగు ప్రపంచం: 1/1/12 - 2/1/12

konamanini.blogspot.com/2012_01_01_archive.html

బుద్ధుడు ఒసగిన 12 పేర్లు. శాక్యముని

ఇంత చిన్న వస్తువు అరచేతిలో ఇమిడిపోయి!!

;
ఇంత చిన్న వస్తువు అరచేతిలో ఇమిడిపోయి;
 ||ఇంత చిన్న వస్తువు అరచేతిలో ఇమిడిపోయి||


మేఘాలకు ఆర్ద్రత్వం ఇస్తుంది
వర్ష ధారలను
ధాత్రికి 
దత్తత ఇచ్చేస్తుంది!

నింగిలోని హరివిల్లులకు
"మీకున్నవి ఏడేగా! 
అదనపు రంగులను బహూకరిస్తాము
అలంకరించుకోవడాన్ని నేర్పిస్తాము"  


ఇంత చిన్న వస్తువు అరచేతిలో ఇమిడిపోయి; 
నీలి గొడుగు నింగికి
విస్తారంగా విప్పార్చుకొనేలా చేస్తాము


ఇంత చిన్న వస్తువు; అరచేతిలో ఇమిడిపోయి;
చందమామను- 
నిత్య పున్నమిగా ఉంచుతాము


ఇంత చిన్న వస్తువు అరచేతిలో ఇమిడిపోయి;
గ్రహ గోళాల చలనాలను- 
మానవాళి శాంతంగా మనుగడ సాగించేలా చేస్తాము; 


అనంత విశ్వపు కొలతల దృశ్యాలను 
మన కన్నులలో నిలిపి ఉంచి; 
విజ్ఞానపు కేతనమై రెప రెపలాడేస్తూ; 


ఇంత చిన్న వస్తువు అరచేతిలో ఇమిడిపోయి;
ఈ రిమోట్ కంట్రోలర్!
ఇంత చిన్న వస్తువు అరచేతిలో ఇమిడిపోయి!!


above photo (link to see) 
"Uncle Milton Animal Planet Remote Control Snake "


children song  ; (Web: New Awakai)
Member Categories - బాల
Written by kadambari piduri  
Sunday, 11 March 2012 12:43
Add new comment Hits: 102
;

ది కార్సికన్ బ్రదర్స్ - అలెగ్జాండర్ డ్యుమాస్

                           "ది కార్సికన్ బ్రదర్స్"- 1941 లో విడుదల ఐన 
ఈ సినిమాకి కొన్ని ప్రత్యేకతలు ఉన్నాయి. 
గ్రెగరీ రాటఫ్ డైరెక్టరు, ఎడ్వర్డ్ స్మాల్ నిర్మాత. 
ద్విపాత్రాభినయములకు ప్రధమ సోపానముగా సినీ చరిత్రలో స్థానం ఆర్జించింది. 
జూనియర్ డగ్లస్ ఫెయిర్  బాంక్స్ "కార్సికన్ బ్రదర్స్" లో 
కవలలుగా రెండు పాత్రలనూ ధరించాడు. 
ఈ టాకీలోని కథకు- అనుసరణలుగా 
ప్రపంచ వ్యాప్తంగా వందలాది చలన చిత్రాలు వెలువడినాయి.


ఈ కథాంశములోని అద్భుత ఆకర్షణకు ఇవే నిలువెత్తు విలువెత్తు నిదర్శనాలు. 
చిన్ననాడే అమడ పిల్లలు(సయామీస్ కవలలు) విపరీత పరిస్థితులలో విడిపోయారు. 
పూర్తిగా విభిన్న పరిసరాల వాతావరణాలలో చెరొక చోటా పెరిగి పెద్దైనారు. 
వారి తల్లిదండ్రులను 'హత్యించిన ' విలన్ లపై ప్రతీకారం తీర్చుకునే కథతో 
అనేక మలుపులతో ఆసక్తికరంగా ఉన్నది.


ఇద్దరు కథానాయకులూ ఒకే స్త్రీని ప్రేమించడం వంటి విచిత్రమైన మెలికలతో ఈ చిత్రం ప్రేక్షకులను అలరించింది. అంతేకాదు! సినీ నిర్మాతలను సైతం ఆకట్టుకున్న 
ఈ స్టోరీ లైన్ ను కాసులవర్షం కురిపించే బంగారు గుడ్లు పెట్టే బాతునులాగా అందిపుచ్చుకున్నారు. 
తెలుగులో మనందరికీ సుపరిచితమే!


"ఇద్దరు మిత్రులు", "రాముడు-భీముడు" మొదలుకొని 
హీరోల నటనా కౌశలములకు ప్రేక్షకులు బ్రహ్మ రధము పట్టారు. 
హీరోయిన్లతో కూడా ద్విపాత్రాభినయం చేసిన బొమ్మలు రిలీజ్ ఐనవి. 
"ఇద్దరు అమ్మాయిలు", "గంగ-మంగ" వంటివి. 
కాలక్రమంలో త్రిపాత్రలు - వెండితెరపై నర్తించినవి.
నాలుగు, ఐదు, తొమ్మిది, పది పాత్రలుగా కూడా 
నటీనటులు తమ నటనాచాతుర్యాన్ని తెరపై శోభాయమానంగా  దృశ్యమానం చేసారు.


ఆకాశరామన్న(కాంతారావు); నవరాత్రి(నాగేశ్వరరావు); దశావతారం (కమల హాసన్)....
ఇలాగ పేర్ల లిస్టు కూడా ఒక ఉద్గ్రంధ రూపమే ఔతుందనడంలో అతిశయోక్తి లేదు.


*******


 "ది కార్సికన్ బ్రదర్స్" సినిమా  సౌధ నిర్మాణంలో కీలక వ్యక్తి, 
అన్నిటికన్నా ముఖ్యంగా ప్రస్తావించాల్సినది 
ఫ్రాన్సులోని రచయిత అలెగ్జాండర్ డ్యుమాస్ 
(Alexandre Dumas - 24 July 1802 – 5 December 1870)గురించి. 


యూరోపు దేశీయులు ఇతర దేశాలలో, వలసలు వచ్చారు. 
తద్వారా ఆసియా. ఆఫ్రికా ఖండాల ప్రజలు, ఆయా సంఘముల స్వరూపాలూ మార్పునకు లోనై, అస్తవ్యస్తం కాసాగినవి. ఆఫ్రికా దేశాల ప్రజలు, బానిసత్వంలో మగ్గిపోవాల్సిన దురవస్థ దాపురించింది. 
ఈ ఆపదలలో మునిగిపోయిన వాళ్ళు నీగ్రోలు అని వ్యవహరించబడుతూ, 
"నల్లవాళ్ళు" అని తిరస్కారానికి గురి అయినట్టి జాతి జనులు. 
వలస రాజ్యాల ఏలుబడి- కాలనైజేషన్ లకు దారి తీసినది. 
పాశ్చాత్య దేశంలో దళితునిగా పెరిగి పెద్దవాడైనాడు. 
అంటరానివానిగా- అక్కడ అతను అనేక పరాభవాలను ఎదుర్కోవలసి వచ్చింది.




ఫ్రాన్సులోని Aisne Depatmentలోని, willers-kaaTareTs- 
విల్లెర్స్-కాటరెట్స్-(Villers-Cotterêts ) లో జన్మించాడు డ్యుమాస్. 
నాటకరచయితగా కీర్తిశిఖరాలను అధిరోహించాడు. 
The Count of Monte Cristo, The Three Musketeers, The Corsican Brothers  మున్నగునవి 
ఆతని కీర్తి కిరీటంలో కలికితురాయిలు. 
సయామీస్ కవల పిల్లలు ఇరువురు హీరోలుగా మలచిన కథతో- 
అలెగ్జాండర్ డ్యుమాస్ రచన ఆధారంగా నిర్మితమైన మూవీ The Corsican Brothers. 
అనితర సాధ్యమైన ప్రజ్ఞ, ప్రతిభలతో అలెగ్జాండర్ డ్యుమాస్ 
తన జీవితంలో అనేక అవమానాలను అధిగమించాడు. 
రమారమి నూరు భాషలలోనికి అలెగ్జాండర్ డ్యుమాస్ రచనలు అనువదించబడినవి. 
అట్లాగే ఇంచుమించు రెండు వందల సినిమాలకు డ్యూమాస్ 'కలం పాళీ కదలికలు' స్ఫూర్తిని ఇచ్చినవి. 
సాహిత్య సీమలో సమకాలీనులైన విక్టర్ హ్యూగో మున్నగు రచయితల కంటే- 
అలెగ్జాండర్ డ్యుమాస్ ఉన్నత స్థాయిని సముపార్జించాడు.


ఆంధ్ర కవి, గుఱ్ఱం జాషువా సారస్వత సమావేశాలలో ఇతర వ్యతిరేక కవులతో సౌమ్యంగానే పలికిన పలుకులు- చమత్కార భాషణములుగా మన్నింపు పొందినవి. 
అట్లాగే అలెగ్జాండర్ డ్యుమాస్ సంభాషణలూ, ఆడిన పలుకులూ 
సారస్వత స్థాయితో విమర్శకులచే మననము చేయబడుతూంటాయి. 


కొస మెరుపు:-
ఒకసారి జాత్యహంకారులు తూష్ణీకరిస్తూ దూషించారు. 
వారి నిష్ఠుర వచనాలకు అతను  దీటుగా ఇచ్చిన చమత్కార సమాధానం ఇది. 
"My father was a mulatto, 
my grandfather was a Negro and 
my great-grandfather a monkey. 
You see, Sir, my family starts where yours ends." అంటూ 
చురక అంటించాడు అలెగ్జాండర్ డ్యుమాస్.
;  
ది కార్సికన్ బ్రదర్స్ - అలెగ్జాండర్ డ్యుమాస్ (Link- for this essay -New Ak)
Member Categories - మాయాబజార్
Written by kusuma   
Thursday, 16 February 2012 12:50
;